Një person nga Kabuli është arrestuar në Kakavijë për drogë dhe falsifikim dokumentash.
Policia ka bërë të ditur se se Navid Momen, 29 vjeç, banues në Kabul, Afganistan gjatë kontrollit ka paraqitur një pasaportë Lituaneze, që dyshohet se është e falsifikuar, ndërsa i është gjetur edhe një sasi e vogël lënde narkotike.
“Navid Momen, 29 vjeç, banues në Kabul, Afganistan u arrestua pasi në P.K.K.Kakavije, gjatë kontrollit të pasagjerëve të autobuzit të linjës Athinë – Tiranë, ky shtetas ka paraqitur një pasaport Lituaneze, e cila dyshohet se është e falsifikuar.Gjithashtu nga kontrolli i ushtruar, këtij shtetasi i’u gjet e u bllokua në cilësinë e provës materiale një sasi e vogël lënde narkotike e dyshuar kanabis sativa”, sqaron policia.
Materialet i kaluan Prokurorisë së Rrethit Gjyqësor Gjirokastër për veprime të mëtejshme.